يحيا العسكر

مصري إزاي وتسب العسكر

ع الفيس وتويتر تتمسخر

وهمه اخواتك مش راح أكتر

مش من روسيا ولا مدغشقر

جندي مجند... ظابط أكبر

ف برد ف حر ليلاتي بيسهر

إيده ف صحرا بيبني يعمر

عارف دوره مش متأخر

شايف شغله مش بيهزر

وانت بكام تعليق تتمنظر

ليه ف ثوابته ليه بتأثر

ليه ما تقوله عفارم تشكر

همك بس تهده تكسر

تفرح.. لما بلدك تخسر

يا تهدم جهد يا إما تعفر

دي بلدنا عايزه اللي يقصر

مشوارها من غير ما يعسر

لا يضيع وقت ولا يأخر

عسكري مدني صعيدي مبحر

مصر الشعب فاق واتغير

وانت مكانك لسه صغير

اكبر بقى واهتف واتنور

تحيا مصر.. يحيا العسكر

شرطة وجيش أسود

حيوا معايا اللي بيحموا

وطننا عشان ما نعيش

الشرطة أسود الداخل

وحدودنا أسودها الجيش

ظابط أو جندي مجند

قائد عريف وشاويش

أسوان مطروح وحلايب

وسويس شرقية عريش

سهرانة عيون الصقر

واللي يقرب ما يعيش

حيوا معايا ولاد مصر

أسودها شرطة وجيش

فوزي المَلَكْ

فوزي من الفوز اتوجد

والحمد م المحمود

والشعر فيه اتولد

والضل كان ممدود

من قبل فاصلة ووتد

دا بحر ماله حدود

ضاف للعروض العدد

ع الرِتم رَنِمْ جود

في مصر غضبة أسد

ثاير كأنه بارود

حُبه وهو الولد

عِشقه وبيه مولود

مَلَكْ دا حل ف جسد

مهما غِضِب فَوَدوُد

شاعر متين لا حسد

فوزي اِبِنْ محمود