شقتوا عنين ستاتي
جايبة لغاية فين
تاريخ يوَلي وآتي
ولسه فيه بعدين
مصر نهارها ليلاتي
ملوكها والمساكين
معاه منين ما يواتي
ما يغيبش عنه يومين
تقولش ده "ابن مماتي"
"مانيتون" يا محترمين
لو عشت معاه يوماتي
تحسه م الفراعين
يقولي: مصر حياتي
وجيناتي مصريين
عشت لها أوقاتي
ومشيتها ع القدمين
دي حروف كتاباتي
من دمي مكتوبين
عايشها ف سكاتي
دنيا معايا ودين
ونفسي في مماتي
تحضني ميه وطين
عايش فينا ستاتي
ولو من الراحلين
بقول في كلماتي:
العُلَما فينا عايشين
من قلبي دعواتي
وادعوا يا مستمعين
ف الجنة يا ستاتي
ياربي قولوا آمين
ليست هناك تعليقات:
إرسال تعليق